Бүген Әдипләр: Шагыйрьләр
   
  |   Ташларны җыяр вакыт...  |  



Башка проектлар


Аргамак журналы битләреннән
Зөлфәт cайты
Кадыйр Сибгат сәхифәсе
Гүзәллек дөньясында
Наис Гамбәр сайты
Мизхәт Хәбибуллин сәхифәсе
Айдар Хәлим сәхифәсе
Фәүзия Бәйрәмова. Халык үзе хөкем итәр (Сталинның явыз сәясәте сәбәпле һәлак булган һәм газап күргән милләттәшләремә багышлыйм.)
Барый Ислам
Tатар телендәге гарәп-фарсы алынмалары
Татар сайтлары
Мөҗәһит сәхифәсе
Әхмәт Дусайлының рәсми сәхифәсе
Дусай авылы сайты
Мәдүнәнең рәсми сәхифәсе

Безнең дуслар


Якупова Йолдыз сайты
Белем җәүһәрләре-2010 I Халыкара интернет-проектлар бәйгесе

Фәрит Вафин сайты

Әйтер сүз

Безнең рейтинг

PR-CY.ru

Шагыйрьләр


A Ә Б В Г Д Е Җ З И К Л М Н О П Р С Т У Ф Х Ч Ш Э, Ю, Я, Һ
Мөслах Таҗи
Һади Такташ
Гөлназ Талипова
Камил Тангалычев
ФлёраТарханова
Рунар Таһирҗанов
Альмира Таһирова
Шәрига Таһирова
Фәнил Миңнегалиев ТӘТЕШЛЕ
Зиннур Тимергалиев
Фәүзия ТӨХБӘТУЛЛИНА
Тәлгать Төхфәтуллин
Әхмәтҗан Тубыли
Габдрәхман бине Туймөхәммәд
Зәкия Туфайлова
Хәсән Туфан
Әбүзәр Түрәй

Тәлгать Хисмәт улы Төхфәтуллин 1936 елның 15 сентябрендә Оренбург өлкәсенең Абдрахман авылында дөньяга килгән. Абдрахман авылында җидееллык татар мәктәбен «биш»ле билгеләренә генә тәмамлаган.
1956-1959 елларда армия сафларында радиотехник гаскәрдә хезмәт итә. Техник уку йортында укып, конструкторлык һөнәренә ия булган. Хәзерге вакытта лаеклы ялда.

Кем-кем?

Карга лачын белән үзенә гаилә корса, 
(Матур җырлар җырлап аны ышандырса), 
Алтын читлек ясап - ефәк чаршау корса -
Шаккатарлык, читтән генә карап торсаң!

Бу тормышта мең-мең төрле ялганлау бар: 
Кайсы — кече, кайсылары - коточкычлар; 
Әйтте берәү: «Карга, лачын - бертуганнар»... 
Шуннан да мәкерле ялган кайда соң бар?

Лачын булгач - лачын булсын ул һәрьяклап, 
Үз тиңдәшен, үзе аңлап, алсын сайлап... 
Зәгыйфь булмаганы теләр - зәңгәр күген... 
(Алтын-көмеш, майлы калҗа - бәхет түгел).

Табигатьнең төрле-төрле «кошлары» бар, 
Һәр тереклеккә хас яшәү кануны бар; 
Үткәннәрдән килгән гореф-гадәтләр бар... 
һәрбер затның үзенә генә тиң пары бар!

Аерылышу

Тормыш дулкыннары аерса да, 
Мәңге саклыйм сине күңелдә. 
Йөрәк тибүеннән туктамаса, 
Сөю хисе сүнмәс, (сүнмәс)* гомергә.

Йомшак җилләр иссә, төшә искә 
Чишмәдәй саф синең тавышың.
 Алсу йөзләреңне хәтерләтә 
Җәйге кичтә кояш, (кояш) баешы.

Синең мәхәббәтеңнән көч алам, 
Гүя миңа канат куела,вакытлыча
Күңелемә җиңел сине уйласам, 
авыр юллар җиңел, (җиңел) тоела.

Сөям сине саф йөрәктән, иркәм, 
Көтәм кавышу таңы туасын. 
Сиңа атап җырлар җырлыймын МИЕ. 
Җырым илтсен йөрәк, (йөрәк) җылысын.

Бу - вакытлы гына аерылу, 
Кояш туган кебек таңында; 
Килер вакыт, тормыш дулкыннары 
Очраштырыр безне, (безне) тагын да.
---------------------
* көенә карап, сүз кабатланмаска мөмкин.

Илһам чишмәләре. Казан, "Рухият" нәшрияте, 2013.

© Әхмәт Дусайлы студиясе 2007-2018