Бүген Әдипләр: Ильмира НӘГЫЙМОВА
   
  |   Ташларны җыяр вакыт...  |  



Башка проектлар


Аргамак журналы битләреннән
Зөлфәт cайты
Кадыйр Сибгат сәхифәсе
Гүзәллек дөньясында
Наис Гамбәр сайты
Мизхәт Хәбибуллин сәхифәсе
Айдар Хәлим сәхифәсе
Фәүзия Бәйрәмова. Халык үзе хөкем итәр (Сталинның явыз сәясәте сәбәпле һәлак булган һәм газап күргән милләттәшләремә багышлыйм.)
Барый Ислам
Tатар телендәге гарәп-фарсы алынмалары
Татар сайтлары
Мөҗәһит сәхифәсе
Әхмәт Дусайлының рәсми сәхифәсе
Дусай авылы сайты
Мәдүнәнең рәсми сәхифәсе

Безнең дуслар


Якупова Йолдыз сайты
Белем җәүһәрләре-2010 I Халыкара интернет-проектлар бәйгесе

Фәрит Вафин сайты

Әйтер сүз

Безнең рейтинг

PR-CY.ru

Ильмира НӘГЫЙМОВА


A Ә Б В Г Д Е Җ З И К Л М Н О П Р С Т У Ф Х Ч Ш Э, Ю, Я, Һ
Кадрия Наил
Әнәс Назыймов
Рәзилә Насыйбуллина
Майруза Насыйрова
Галинур Нәбиев
Гөлсәрия Нәбиуллина
Мәдинә Нәбиуллина
Ильмира НӘГЫЙМОВА
Дания Нәгыймуллина
Мәкмүнә Нәҗипова
Алсу Нәҗми
Наҗар Нәҗми
Наил Нәҗми
Мариc Нәзиров
Халидә Нәфыйкова
Зөлфия Нигъманова
Афзал НИГЪМӘТУЛЛИН
Гөлфия Низамeтдинова
Мостафа Ногман
Рәмзи Ногмани
Илнар НОТФУЛЛИН
Зәки Нури
Гөлшат Нуриева
Ильмира НӘГЫЙМОВА
Тулы исеме: Ильмира Рафаил кызы Нәгыймова.
Туган көне: 1992 елның 6 марты.
Туган җире: Менделеевск районының Ижовка бистәсе.

Татар эстрадасында кемнәр генә юк хәзер. Тамашачының сайлау мөмкинлеге чыннан да зур. Күп кенә яшь җырчыларның сәхнәдә тоткан үз урыны, тамашачысы бар. Менделеевск якларында туып үскән, “Ярат димим”, “Мәхәббәткә таян”, “Гомер үтеп бара” җырлары белән популярлык казанган Ильмира Нәгыймованыкы да шулай.

Ильмираның кечкенәдән Казанда яшисе килгән. Башкалага гашыйк булуы зур шәһәргә ки­тергән дә инде. Быел Казан музыка көллиятен тәмамлады. Үзенә популярлык китергән дип “Буламы соң?” җырын атый.

– Баштарак әлеге җырны болай уңышлы булыр дип уйламаган да идем. Эстрадада көндәш­лек көчле. Әмма минем өстен­ле­гем шунда – мин җырның көйлә­рен дә, сүзләрен дә үзем иҗат итәм, – дип, Ильмира әлеге иҗат­ка ничек кереп китүен сөйләде. – Гаиләбезгә зур кайгы килде. Бертуган апам Лилия фаҗигале төстә вафат булды. Кечкенә баласы ятим булып калды. Шушы хәсрәт миңа этәргеч бирде. Шуннан соң үзеннән-үзе күңелдә көйләр туа башлады, шигырь юллары иҗат ителде. Күбрәк моңсу җырлар иҗат итәм. Тама­шачымның күбе­се – урта һәм өл­кән яшьтәге кешеләр. Яшьләр белән Интернет челтәрендә аралашам. Шунысы кызык: минем исемем бе­лән утыручылар шактый икән. Хәтта кайберләре: “Син бит Ильмира Нәгыймова түгел”, – дип үземә язып җибәрәләр. Мин булып очрашуга баручылар да юк түгел икән, – ди ул.

Җырлап кына акча эшләп булмый, дигән сүзне артистлар авы­зыннан еш ишетергә туры ки­лә. Әле генә таныла башлаган җыр­чыларга кыенрак икән шул. Бу хакта Ильмира: “Буш вакытларымда банкетларда җырларга туры килә. Шунда нинди генә ир-атлар бәй­ләнми. Ә мин саф мә­хәббәткә ышанам, хисләр бе­лән яшим. Бай абзыйлар барысына да әзер – алар ни генә вәгъдә итмиләр. Менә шушы хәлләрдән тәмам туйдым. Шуңа күрә янымда яраткан кешем, гаиләм булуны телим”, – ди.

Ильмира озакламый гаилә корырга җыена. Төркем­дәше Русланны бер күрү­дә ошата ул. Ике гашыйк өйлә­нешү өчен 12.10.2012 датасын сайлап куйганнар. Ильмира үзе моны очраклы хәл диеп аңлата. “Ике яктан да әти-әниләр ял ит­кән көн, безнең дә буш вакыт була”, – ди ул. Җырчы никахының тыныч кына, туган йортында узуын тели. “Минем өчен иң беренче урында гаиләм булачак”, – ди.

ГӨЛГЕНӘ ШИҺАПОВА
Ватаным Татарстан".


© Әхмәт Дусайлы студиясе 2007-2018