Бүген Әдипләр: Илдар Юзиев
   
  |   Ташларны җыяр вакыт...  |  



Башка проектлар


Аргамак журналы битләреннән
Зөлфәт cайты
Кадыйр Сибгат сәхифәсе
Гүзәллек дөньясында
Наис Гамбәр сайты
Мизхәт Хәбибуллин сәхифәсе
Айдар Хәлим сәхифәсе
Фәүзия Бәйрәмова. Халык үзе хөкем итәр (Сталинның явыз сәясәте сәбәпле һәлак булган һәм газап күргән милләттәшләремә багышлыйм.)
Барый Ислам
Tатар телендәге гарәп-фарсы алынмалары
Татар сайтлары
Мөҗәһит сәхифәсе
Әхмәт Дусайлының рәсми сәхифәсе
Дусай авылы сайты
Мәдүнәнең рәсми сәхифәсе

Безнең дуслар


Якупова Йолдыз сайты
Белем җәүһәрләре-2010 I Халыкара интернет-проектлар бәйгесе

Фәрит Вафин сайты

Әйтер сүз

Безнең рейтинг

PR-CY.ru

Илдар Юзиев


A Ә Б В Г Д Е Җ З И К Л М Н О П Р С Т У Ф Х Ч Ш Э, Ю, Я, Һ
Әхмәт Югнәки
Илдар Юзиев
Мәүлекәй Юмачиков
Әхмәт Юныс
Рәфикъ Юныс
Илнур Юнысов
Асия Юнысова
Ләйсән Юнысова
Әлфия Юсупова
Нурания Юсупова
Агдас ЯКУБ
Сирень Якупова
Луиза Янсуар
Зыя Ярмәки
Гарәфетдин ЯХИН
Наилә Яхина
Илдар Яхъя
Эльвира Һади
Илдар Юзиев
(1933-2004)
Күренекле шагыйрь Илдар Гафур улы Юзеев 1933 елның 3 гыйнварында Башкортстанның Яңавыл районы Ямады авылында укытучы гаиләсендә туа. Ямадыдагы урта мәктәпне тәмамлаганнан соң, 1950-1954 елларда Казан дәүләт педагогия институтының татар филологиясе бүлегендә белем ала. Хезмәт юлын журналистикадан башлый: 1954-1966 елларда «Пионер» (хәзерге «Ялкын») республика балалар журналының җаваплы секретаре, аннары бер ел «Чаян» журналы редакциясендә әдәби хезмәткәр булып эшли. 1967-1971 елларда ул — Татарстан Язучылар берлегенең әдәби консультанты хезмәтендә. 1973 елда Мәскәүдә М.Горький исемендәге Әдәбият институты каршындагы икееллык Югары әдәби курсларны тәмамлап кайткач, өч ел дәвамында «Казан утлары» журналының поэзия бүлегенә җитәкчелек итә. 1977 елның мартыннан И.Юзеев Татарстан Язучылар берлегендә яшь авторлар белән эшләү буенча идарә рәисенең урынбасары вазифаларын башкара.
И.Юзеев әдәби иҗат белән бик иртә шөгыльләнә башлый. 1943 елда аның «Дошман җиңелә» исемле шигыре район газетасында басылып чыга. Ул шулай ук пьесалар язуда да көчен сынап карый, хәтта шулардай берсе — «Алсу гөлләр» дигәне — мәктәп сәхнәсендә дә уйнала. Ә унынчы сыйныфта укыганда яшь авторның шигырьләре инде Уфада «Әдәби Башкортстан» (хәзерге «Агыйдел») журналы, «Кызыл таң» газетасы кебек республика матбугатында күренә башлый. Һ.Такташ шигырьләре тәэсирендә яза башлаган И.Юзеев үзенчәлекле шагыйрь буларак узган гасырның илленче-алтмышынчы елларында формалаша. Аның шигъри таланты аеруча поэма жанрында ачыла. 1955 елда «Совет әдәбияты» (хәзерге «Казан утлары») журналында басылган «Таныш моңнар» поэмасы белән ул киң катлау укучылар арасында таныла. Беренче поэмаларында ук иҗатының төп билгеләре — хис һәм фикер гармониясе, табигыйлек, лирик моң, ихласлык сыйфатлары ачык төсмерләнә. Шагыйрьнең шуннан соңгы шигырь һәм поэмалары, романтик-лирик хасиятләрен, моң һәм хис муллыгын саклаган хәлдә, гражданлык мотивлары, үзгәрүле заман таләпләренә һәм ихтыяҗына бәйле олы идеяләр, социаль эчтәлек белән сугарыла бара. «Әнкәй» (1959), «Фәрит-Фәридә» (1959), «Миләүшә» (1954-1965), «Язылмаган поэма» (1964), «Өчәү чыктык ерак юлга...» (1965), «Тынлык белән сөйләшү» (1966), «Карурман» (1971), «Таш диварлар авазы» (1973), «Өзелмәсме кыллар?» (1977), «Таш кала фаҗигасе» (1988), «Өзелгән тәсбих» (1989) кебек лирик, драматик поэмаларында һәм башка бик күп шигырь, балладаларында әдип, заман темаларына һәм тарихи үткәнгә мөрәҗәгать итеп, кеше рухының бөеклегенә, хөрлегенә дан җырлый, һәртөрле явызлыкка, изүгә, шәфкатьсезлеккә, коллыкка, ялганга каршы нәфрәт хисләрен ачык гәүдәләндерә.
«Миләүшә» исемле китабына (1968) тупланган поэмалары һәм балладалары өчен И.Юзеев, шагыйрьләрдән беренче буларак, 1968 елда Татарстанның М.Җәлил исемендәге Республика премиясенә, ә «Таш диварлар авазы» һәм «Өзелмәсме кыллар?» исемле поэмалары өчен 1980 елда Татарстан Республикасының Г.Тукай исемендәге Дәүләт премиясенә лаек була.
И.Юзеев шигъриятендәге төп сыйфатлар — тирән моң, лиризм, фикер-хис ачыклыгы, форма төгәллеге — композиторларны да илһамландырып тора. Шагыйрьнең дистәләрчә шигъри әсәрләренә көй языла. Халык арасында киң таралган «Яшь наратлар» (Җ.Фәйзи музыкасы), «Төнбоек» (Л.Айтуганов музыкасы), «Шофер», «Резидәкәй» (Ш.Мәҗитов музыкасы), «Кайтам инде», «Бөркет турында баллада», «Чит илләргә чыксаң» (С.Садыйкова музыкасы), «Яшьлек дустыма», «Фәүзия җыры», «Таң кызы җыры», «Серле чәчәк» (М.Яруллин музыкасы), «Кыр казлары артыннан», «Туган ягым каеннары», «Гашыйклар тавы» (М.Имашев музыкасы), «Хуш инде» (Ф.Мортазин музыкасы), «Мәтрүшкәләр» (А.Гыйләҗев музыкасы), «Сине уйлап янам» (С.Ибраһимов музыкасы) һ.б. бик күп җырлар шагыйрь иҗатының үзенчәлекле бер тармагын тәшкил итә.
И.Юзеев — танылган драматургларның берсе, дистәдән артык комедия, драма, трагедияләр авторы. Әдипнең пьесалары оригиналь сюжетка корылуы, шигърилеге, романтик пафосы, оптимистик рухы белән җәлеп итә. Поэзиясендәге кебек, пьесаларында да автор кеше күңеленең якты, гуманистик омтылышларын романтик буяулар белән сурәтләргә омтыла, матурлыкның кадерен белү, халыкның рухи һәм мәдәни казанышларын, гореф-гадәтләрен саклау, аларны дәвам иттерү, үстерү турындагы уй-хыяллары белән уртаклаша.
Драматургның иң күп куелган пьесасы — «Сандугачлар килгән безгә» дигән моңсу комедиясе. Ул — 1974 елдан бүгенге көнгә кадәр К.Тинчурин исемендәге Татар дәүләт драма һәм комедия театры һәм Казан дәүләт Яшьләр театры репертуарында, шулай ук Башкорт дәүләт академия театры, Мари музыкаль драма театры, Тува рус драма театры, Каракалпак Яшь тамашачылар театры сәхнәләрендә куела, Ленинград, Казан, Уфа, Кемерово телевидениеләре аша күрсәтелә. СССР халыклары театр сәнгате һәм милли драматургиясенең Ленинградта уздырылган Бөтенроссия фестивалендә (1978) әлеге пьеса буенча куелган спектакль өчен Тува рус драма театры коллективы һәм пьеса авторы I дәрәҗә диплом белән бүләкләнә һәм фестиваль лауреаты дигән исемгә лаек була. Шагыйрь-драматургның «Янар чәчәк», «Бөркетләр кыяга оялый» («Улыбыз өйләнә, без аерылышабыз»), «Кыр казлары артыннан», «Кайтмый калсам, көтәрсеңме?», «Бәхетемнән узып барышлый», «Безнең әти мировой», «Онытылмас бәет», «Мәкәрҗәгә барган идек», «Сөйгәнемнең туган көне», «Гашыйклар тавы», туксанынчы елларда иҗат ителгән «Ак калфакны төшердем кулдан», «Хуш, Хәйбуш!», «Моңлы бала түгел идем...», «Эзләдем, таптым, югалттым» кебек драма һәм комедияләре дә профессиональ театрлар репертуарында ныклы урын алалар.
Заман һәм кеше мөнәсәбәтләренең калкурак чагылышына ирешү, чынбарлыкны гомумиләштеребрәк, аның фәлсәфи асылын бер фокуска туплабрак бирү өчен, шагыйрь еш кына шартлы алымнарга мөрәҗәгать итә, тәэсир көченә ия булган символик образларны кертә. Эчтәлек һәм форма өлкәсендәге эзләнүләр «Мәхәббәт китабы» исемле поэмалар циклында (1978), «Таймас» (1961), «Соңгы төн» (1972), «Очты дөнья читлегеннән» (1980), «Мәңгелек белән очрашу» (1982) исемле шигъри трагедияләрендә, Муса Җәлил исемендәге Татар дәүләт опера һәм балет театрында куелган «Ерактагы кәккүк авазы» спектакленең (Рәшит Кәлимуллин операсы) либреттосында үзенчәлекле гәүдәләнеш таба.
И.Юзеев иҗат эшчәнлегенең башыннан ук татар балалар әдәбияты белән даими багланышта һәм хезмәттәшлектә яши. «Ялкын» журналының унике ел дәвамында әдәби хезмәткәре һәм редколлегия әгъзасы буларак, шулай ук Язучылар берлегенең яшь авторлар белән эшләү бүлеге мөдире сыйфатында ул татар балалар әдәбиятын үстерүгә, яшь әдәби алмаш тәрбияләүгә үзеннән зур өлеш кертә. Аның балаларга адресланган үз әсәрләре дә байтак. Алар шагыйрьнең аерым җыентыкларында («Пони малае нәни Җирәнкәй», 1967; «Аю сатам, кем ала?», 1999; «Бәби Ай», 2003 һ.б.) һәм 2002 елда нәшер ителгән биш томлык «Сайланма әсәрләр»енең икенче томында урын ала.
И.Юзеевның туксанынчы еллардагы иҗаты, заманның кискен үзгәрешләренә һәм үзенең тормыш тәҗрибәсенә бәйле рәвештә, хис-фикер, тел-стиль образлылыгы, кичерешләре ягыннан тагы да тирәнәя төшә, кеше шәхесе, яшәеш, халык-милләт турындагы шигъри-фәлсәфи уйланулары яңа поэтик сыйфатлар, төсңерләр белән баеп-ялтырап китә («Уйлый күңелем төрлесен» шигырьләр җыентыгы, «Татар моңы» поэмасы, «Таш диварлар авазы» поэмасының яңа редакциясе һ.б.). Гомумән, 1956-2003 еллар арасында И.Юзеевның тезмә һәм чәчмә әсәрләре тупланган кырыклап китабы дөнья күрә. И.Юзеев 1963-1994 елларда Татарстан Язучылар берлеге идарәсендә, 1979-1984 елларда РСФСР Язучылар берлеге идарәсендә, шулай ук төрле елларда Азия-Африка илләре язучылары белән багланыш буенча Совет комитетында, «Казан утлары», «Сөембикә», «Идел» журналларының редколлегияләрендә әгъза булып тора, РСФСР язучыларының IV (1975), V (1979), СССР язучыларының VI (1981), VIII (1986) съездларында делегат булып катнаша. Төрле елларда Татарстан Язучылар берлегенең шагыйрьләр секциясен, остаханәсен җитәкли.
Әдәбият һәм театр сәнгате өлкәсендәге хезмәтләре өчен И.Юзеевка 1979 елда Татарстанның, 1983 елда «Россия Федерациясенең атказанган сәнгать эшлеклесе» дигән мактаулы исемнәр бирелә, 1986 елда ул «Почет Билгесе» ордены белән бүләкләнә. 1993 елда Татарстан Республикасы Президенты М.Ш.Шәймиев Указы белән И.Юзеев «Татарстан Республикасының халык шагыйре» дигән шәрәфле исемгә лаек була.
Шагыйрь 2004 елның 21 декабрендә Казанда вафат була һәм Яңа бистә зиратында җирләнә.
И.Юзеев — 1958 елдан СССР (Татарстан) Язучылар берлеге әгъзасы.

ТӨП БАСМА КИТАПЛАРЫ

Таныш моңнар: поэмалар һәм шигырьләр. — Казан: Таткнигоиздат, 1956. — 68 б. — 4000 д.
Янар чәчәк: комедия. — Казан: Татар. кит. нәшр., 1962. — 79 б. — 7000 д.
Яшь наратлар: шигырьләр. — Казан: Татар. кит. нәшр., 1965. — 104 б. — 5000 д.
Миләүшә: поэмалар, балладалар. — Казан: Татар. кит. нәшр., 1968. — 135 б. — 8000 д.
Төнбоек: шигырьләр. — Казан: Татар. кит. нәшр., 1970. — 255 б. — 6000 д.
Карурман: шигырьләр. — Казан: Татар. кит. нәшр., 1973. — 136 б. — 4000 д.
Бөркетләр кыяга оялый: пьесалар. — Казан: Татар. кит. нәшр., 1975. — 270 б. — 7000 д.
Поэмалар. — Казан: Татар. кит. нәшр., 1976. — 231 б. — 5000 д.
Өзелмәс кыллар: шигырьләр, җырлар, поэмалар, балладалар. — Казан: Татар. кит. нәшр., 1978. — 296 б. — 5000 д.
Кыр казлары артыннан: пьесалар. — Казан: Татар. кит. нәшр., 1980. — 207 б. — 15000 д.
Мәхәббәт китабы: шигырьләр, җырлар, поэмалар. — Казан: Татар. кит. нәшр., 1982. —3526. —10000 д.
Мәңгелек белән очрашу: трагедияләр. — Казан: Татар. кит. нәшр., 1985. — 2566. —6500 д.
Тургай чәчәге: хикәяләр, иҗат турында очерклар, тормыш һәм әдәбият турында уйланулар. — Казан: Татар. кит. нәшр., 1987. — 184 б. — 4700 д.
Сандугачлар килгән безгә: комедияләр, драмалар. — Казан: Татар. кит. нәшр., 1989. — 350 б. — 5000 д.
Гашыйклар тавы: поэмалар, шигырьләр. — Казан: Татар. кит. нәшр., 1991. — 1446. —5000 д.
Таныш моңнар: сайланма әсәрләр. — Казан: Татар. кит. нәшр., 1993. — 304 б. — 2000 д.
Калдыр, аккош, каурыеңны...: шигырьләр, поэмалар, җырлар. — Казан: Татар китабы, 1997. — 239 б. — 3000 д.
Уйлый күңелем төрлесен: шигырьләр, җырлар. — Казан: Татар. кит. нәшр., 1997. —2256. —3000 д.
Карга баласы Каркылдык: балалар өчен шигырьләр, поэмалар. — Казан: Татар, кит. нәшр., 1999. — 24 6. — 5000 д.
Аю сатам, кем ала?: балалар өчен шигырьләр. — Казан: Мәгариф, 1999. — 23 б. — 3000 д.
Сайланма әсәрләр: 5 томда. — Казан: Татар. кит. нәшр., 2002. — 3000 д.
1 т.: шигырьләр. — 383 б.
2 т.: балалар өчен шигырьләр, истәлекләр. — 303 б.
3 т.: поэмалар. — 400 6.
4 т.: шигырьләр, хикәяләр, сәхнә әсәрләре. — 592 6.
5 т.: шигырьләр, хикәяләр, сәхнә әсәрләре. — 592 б.
Шагыйрь сәхнәсе: драмалар, комедияләр. — Казан: Татар. кит. нәшр., 2002. — 1906. —2000 д.
Серле чәчәк: шигырьләр, җырлар. — Казан: Мәгариф, 2002. — 127 б. — 500 д.
Бәби Ай: нәниләр өчен шигырьләр. — Казан: Мәгариф, 2003. — 47 б. — 8000 д.
Кар өстендә дөяләр: шигырьләр / төз. һәм кереш сүз авт. Л.Шәех. — Казан: Татар, кит. нәшр., 2008. — 63 б. — 5000 д.

ИҖАТЫ ТУРЫНДА

Рафаэль СИБАТ. Күкләр дәшсәләр...
Әнисә ВӘЛИЕВА. Яшәү барыбер кызык
Суфиян ПОВАРИСОВ, Раушания ГӘРӘЕВА. Меңъеллык моң
Азат ӘХМӘДУЛЛИН, Сибгат ХӘКИМ. Янар чәчәкләрнең яктысы
Хәсән ТУФАН. Алгы сафтагы шагыйрь
Хәким С. Мусаның үзе кебек // С.Хәким. Үз тавышың белән. — Казан: Татар, кит. нәшр., 1969. — 208-215 6.
Хөсни Ф. Уйна, уйна, моңлы сазым! // Ф.Хөсни. Ни әйтергә? Ничек әйтергә? — Казан: Татар. кит. нәшр., 1974. — 190-196 6.
Галиуллин Т. Матурлыкка бай ул безнең заман // Т.Галиуллин. Еллар юлга чакыра. — Казан: Татар. кит. нәшр., 1975. — 47-75 б.
Мөхәммәдиев Р. Үзе таныш, үзе яңа моң // Р.Мөхәммәдиев. Якутлар табыладыр вакыт белән. — Казан: Татар. кит. нәшр., 1983. — 96-106 б.
Юныс М. Еллар, гасырлар, сулар агышына карап // Казан утлары. — 1981. — № 9. — 158-162 б.
Игъламов Р. Хакыйкатьне эзләү юлыннан // Казан утлары. —1983. — № 1. — 156-161 б.
Г аташ Р. Остазыбыз // Татарстан. — 1994. — № 3-4. — 54 б.
Хисмәтулла Р. Байлык һәм моң // Ватаным Татарстан. — 1995. — 8 февр.
Поварисов С. Моң эчендә асылташ // Казан утлары. — 2003. — № 1. — 145-149 б.
Зөлфәт. Яшьлекләрнең яшьтәше // Ватаным Татарстан. — 2003. — 17 гыйнв.
Шәех Л. «Без китәрбез әкрен, тын гына...» // Татарстан яшьләре. — 2005. — 24 дек.
Шәех Л. Балаларга матур бүләк // Мәдәни җомга. — 2006. — 29 сент.
Илдар Юзеев: истәлекләр, әңгәмәләр, шигырьләр / төз. Р.Миңнуллин, Т.Юзеева. — Казан: Татар. кит. нәшр., 2008. — 199 б.
Шәех Л. Очты дөнья читлегеннән // Мәдәни җомга. - 2009. - 24 апр.
Әдипләребез. Биобиблиографик белешмәлек. Казан, Татарстан китап нәшрияты, 2009

© Әхмәт Дусайлы студиясе 2007-2013