Бүген Әдипләр: Илнур Юнысов
   
  |   Ташларны җыяр вакыт...  |  



Башка проектлар


Аргамак журналы битләреннән
Зөлфәт cайты
Кадыйр Сибгат сәхифәсе
Гүзәллек дөньясында
Наис Гамбәр сайты
Мизхәт Хәбибуллин сәхифәсе
Айдар Хәлим сәхифәсе
Фәүзия Бәйрәмова. Халык үзе хөкем итәр (Сталинның явыз сәясәте сәбәпле һәлак булган һәм газап күргән милләттәшләремә багышлыйм.)
Барый Ислам
Tатар телендәге гарәп-фарсы алынмалары
Татар сайтлары
Мөҗәһит сәхифәсе
Әхмәт Дусайлының рәсми сәхифәсе
Дусай авылы сайты
Мәдүнәнең рәсми сәхифәсе

Безнең дуслар


Якупова Йолдыз сайты
Белем җәүһәрләре-2010 I Халыкара интернет-проектлар бәйгесе

Фәрит Вафин сайты

Әйтер сүз

Безнең рейтинг

PR-CY.ru

Илнур Юнысов


A Ә Б В Г Д Е Җ З И К Л М Н О П Р С Т У Ф Х Ч Ш Э, Ю, Я, Һ
Әхмәт Югнәки
Илдар Юзиев
Мәүлекәй Юмачиков
Әхмәт Юныс
Рәфикъ Юныс
Илнур Юнысов
Әлфия Юсупова
Илнур Юнысов Илнур Юнысов 1986 елда Мамадыш районы Алан авылында туа. Урта мәктәпне тәмамлый. Хәзер ул Чаллы дәүләт педагогия институты студенты.
* * *
Син кайтты дип берни үзгәрмәде... 
Агач тагын коя яфрагын, 
Ә үләннәр, ярыш оештырып, 
Чигә кебек алтын калфагын. 
Син кайтты дип кошлар китми калмас. 
Ныгыталар бары канатын. 
Үткәннәрнең моңсу өемнәрен 
Көз җиледәй өреп тараттың. 
Сибелешеп яткан мизгелләрдә 
Икәү узган эзләр калгандыр. 
Миңа булган сөю хисләренең 
Кайсы тугры, кайсы ялгандыр?! 
Ялганнары кара болыт булса, 
Тугры хисләр назлы җил икән. 
Болытларны җилләр куа алса, 
Яннарыма үзең кил, иркәм.

* * *
Таралган уйларым артыннан 
Үткәннең җепләрен эзләдем. 
Төйнәлгән төеннәр каршына 
Чишүен үтенеп тезләндем. 
Күңелдә һәр төен - бер мизгел! 
Яхшымы, яманмы, барыбер. 
Хыялым дөньясын тирбәтеп, 
Каршыма йөзегез тагын бер. 
Җанымның киң яры тар кебек, 
Бик тирән диңгезе сай кебек. 
Мизгелләр йөзмәде бу якка, 
Калдылар хәтердә эленеп.

* * *
Нәр көн саен хатларымны көтәсеңме? 
Икәү узган сукмаклардан үтәсеңме? 
Иркә җилләр
	назлап үргән толымыңны, 
Кичен татлы уйга чумып сүтәсеңме?

Язмыштагы ялгышларың хәтсез булды. 
Син ясаган хаталардан бәгырь тулды. 
Күңелемнең син дип янган учакларын, 
Керфегемдә тирбәнүче тамчы юды.

Ишеткәнем
	күргәнемнән артык минем... 
Тик бәхеттә үтәр микән алгы көнең? 
Син үзеңдә көрәшер көч табарсыңмы, 
Каплаганда күңелеңне кара сөрем?!.

* * *
Алмагачка былбыл кунган... 
Алмасы юк, иртә әле. 
Җимешкә бай, тик былбылсыз 
Чаклары да истә әле. 
Алмасыз да үзгә матур. 
Былбыл шуны тоймаганмы? 
Гүзәллекне аңламыйча, 
Ямь өстәргә уйлаганмы? 
Аңлаган ул, ә бары тик 
Чәчкәләргә моң өргәндер. 
«Алмалары минем кебек 
Җырлап үсеннәр», - дигәндер. 
Җимешләре үсеп җитте... 
Былбыл җыры гына тынган. 
Ә һаман да моң агыла 
Сусыл алма яктысыннан.
"Мәйдан" № 3, 2007.

© Әхмәт Дусайлы студиясе 2007-2013