Бүген Әдипләр: Фирдәвес Мирзаянов
   
  |   Ташларны җыяр вакыт...  |  



Башка проектлар


Аргамак журналы битләреннән
Зөлфәт cайты
Кадыйр Сибгат сәхифәсе
Гүзәллек дөньясында
Наис Гамбәр сайты
Мизхәт Хәбибуллин сәхифәсе
Айдар Хәлим сәхифәсе
Фәүзия Бәйрәмова. Халык үзе хөкем итәр (Сталинның явыз сәясәте сәбәпле һәлак булган һәм газап күргән милләттәшләремә багышлыйм.)
Барый Ислам
Tатар телендәге гарәп-фарсы алынмалары
Татар сайтлары
Мөҗәһит сәхифәсе
Әхмәт Дусайлының рәсми сәхифәсе
Дусай авылы сайты
Мәдүнәнең рәсми сәхифәсе

Безнең дуслар


Якупова Йолдыз сайты
Белем җәүһәрләре-2010 I Халыкара интернет-проектлар бәйгесе

Фәрит Вафин сайты

Әйтер сүз

Безнең рейтинг

PR-CY.ru

Фирдәвес Мирзаянов

A Ә Б В Г Д Е Җ З И К Л М Н О П Р С Т У Ф Х Ч Ш Э, Ю, Я, Һ
Әнвәр Маликов
Фидаил Мәҗитов
Инзилә МӘҖИТОВА
Заһид Мәхмүди
Сүрия Мингатина
Әгъния Миннебаева
Мидхәт Миншин
Рәшит Минһаҗ
Әлфия Миңнуллина
Илдар МИРГАЛИМОВ
Фирдәвес Мирзаянов
Ленар Мифтахныкы
Зөбәер Мифтахов
Сәрия Мифтахова
Рафис Могыйнов
Азат МOЗАФАРОВ
Рамилә МОРАТОВА
Ирек Мортазин
Мансур Мортазин
Алмаз Мостафин
Мөдәррис МОСТАФИН
Фәнзилә Мостафина
Зәет Моталлапов
Камил Мотыйгый
Фәнис Мотыйгуллин
Әлфия Мөбарәкова
Муса Мөлеков
Ленар Мөхәммәдиев
Гайнан Мөхәммәтҗанов
Рәмзия Мөхәммәтҗанова
Рузилә Мөхәммәтова
Хәмит Мөхәммәтшин
Ландыш Мөхатдисова
Роза Мулланурова
Рәсимә Муллаянова
Фирдәвес Мирзаянов
Мирзаянов Фирдәвес Шакирҗан улы 1940 нчы елның 1 нче ноябрендә Актаныш районының Табанлы Күл авылында гади колхозчы гаиләсендә туа.

Табанлыкүл егете

Актив хәбәрче, Тат.Шуран мәктәбенең татар теле һәм әдәбияты укытучысы Фирдәвес Мирзаянов озак еллар район матбугаты белән тыгыз элемтәдә торды, үзенең шигырьләре, зарисовкалары һәм туган телебез язмышы турындагы язмалары белән укучыбыз күңелен яулды.
- Минем шигъри җанлы булуымда, әдәбиятка якынаюымда әниемнең әнисе - Фатыйма әбиемнең роле зур булды. Телем ачылу белән "Сак-Сок" бәетен, "Йосыф һәм Зөләйха" поэмасын әбием авызыннан ишеттем. Моның өстенә, курайда да уйнап, таң калдыра иде, - дип искә ала ул.
Шигырьләрендә дә җанга газиз кешесен искә алмый кала алмый. Менә аның "Ак әбиләр кебек" шигыренән юллар:
Күпме бәндәләргә шифа өчен
Дару үләннәре җыйды ул.
Һәр үләннең дәваларын ачып,
Киштәләргә тезеп куйды ул.
Фирдәвеснең әбисе, дәвачы гына булмаган, йомшак теле, шәфкатьле, күркәм күңеле белән дә оныгының йөрәгенә үтеп кергән. Курайчы һәм моңлы ак әбисе Фирдәвеснең нәни күңеленә әкрен-әкрен шигъри буразналар сызган. Малай чакта ук дусларына, мәктәп тормышына багышланган гап-гади рифмалы юллары да иптәшләре теленә менә:
Отличник кыз Гөлгенә,
Укулары "5" кенә.
Олимпиада уен аңа -
Мәктәптә ул бер генә.
Табанлыкүл башлангыч мәктәбеннән соң, Сикия җидееллык мәктәбендә белем ала Фирдәвес. Аны 1955 елда Мактау грамотасы белән тәмамлый.
Сугыштан соң 10 ел вакыт үтсә дә, әле урта белем алу күпләр өчен чынга ашмас хыял була. Сигезенче сыйныфта укуларын дәвам итүчеләрне бармак белән генә санамалы. Берәү, икәү... Шуларның берсе - Фирдәвес.
Байсар мәктәбендә урта белем алу бәхетенә ирешкәннән соң, авыл хуҗалыгы техникумына юл ала ул. Бухгалтер-плановик белгечлеге үзләштереп, Актаныш районының Киров исемендәге совхозында 10 ел бухгалтер булып эшли. Коры саннар белән генә эш итсә дә, бармаклы "чут төймәсеннән" ерак китә алмаса да, Фирдәвеснең күңеле балачагын, яшьлеген сагына һәм ул җирсүләрен, шигъри үлчәмнәргә салып, язуын дәвам итә.
Җепләр сузып тартканмыни?
Игенченең иген басуы.
Кырларыма чыксам - иркен һава.
Басыла төшә йөрәк ярсуы.
Басуларга, чыксам, һава иркен,
Чамасы юк хиснең ташуы.
Чиста хуҗабикә йорты кебек
Игенченең иген басуы.
Хисләр тышкыны "чут төймәләре" тартып утыру белән ризалашмыйча, 30 яшьлек ир-егетне Казан дәүләт педагогия институтының филология факультетына алып килә. 1976 елда югары белемгә ия булып, кулына диплом алып, Фирдәвәс Шакирҗан улы Мирзаянов Үрәзмәт урта мәктәбенә укытырга кайта.
Район, республика газетларыредакцияләренә күңеленнән саркып чыккан уй-тойгыларын юллый. Аның Советлар Союзы Герое Илдар Маннановка багышланган ''Бүләк - бәхетле авыл " дигән күләмле язмасы газета укучыларын аеруча сөендерә. "Шәһри Чаллы" һәм "Татарстан хәбәрләре" газеталарында да аның күләмле язмалары, шигырьләре басыла. Болар, барысы да, аның тынгысыз рухлы хәбәрче булуын раслый.
Хәзер инде хәбәрчебезнең педагогик эшчәнлегенә тукталыйк. Тат. Шуран урта мәктәбе директоры Зөфәр Гыймадетдин улы Әхмәтов "Өлкән укытучы" исеменә лаек булган Фирдәвес Мирзаянов эшчәнлегенә карата түбәндәге фикерләрне белдерде: "Фирдәвес Шакирҗанович - мәктәптә иң тынгысыз укытучыларыбызның берсе. Укучылар белән һәрвакыт тыгыз элемтәдә торып, актив эшчәнлек алып бара. Шигърияткә мөкиббән киткән кеше буларак, "Яшь иҗатчылар" түгәрәге оештырды. Милләтебез, телебез чисталыгы өчен җанын фида кылырга да әзер иде ул".
Мәгъфүрә Саматова.

© Әхмәт Дусайлы студиясе 2007-2013