Бүген Әдипләр: Энҗе Хөсәенова
   
  |   Ташларны җыяр вакыт...  |  



Башка проектлар


Аргамак журналы битләреннән
Зөлфәт cайты
Кадыйр Сибгат сәхифәсе
Гүзәллек дөньясында
Наис Гамбәр сайты
Мизхәт Хәбибуллин сәхифәсе
Айдар Хәлим сәхифәсе
Фәүзия Бәйрәмова. Халык үзе хөкем итәр (Сталинның явыз сәясәте сәбәпле һәлак булган һәм газап күргән милләттәшләремә багышлыйм.)
Барый Ислам
Tатар телендәге гарәп-фарсы алынмалары
Татар сайтлары
Мөҗәһит сәхифәсе
Әхмәт Дусайлының рәсми сәхифәсе
Дусай авылы сайты
Мәдүнәнең рәсми сәхифәсе

Безнең дуслар


Якупова Йолдыз сайты
Белем җәүһәрләре-2010 I Халыкара интернет-проектлар бәйгесе

Фәрит Вафин сайты

Әйтер сүз

Безнең рейтинг

PR-CY.ru

Энҗе Хөсәенова


A Ә Б В Г Д Е Җ З И К Л М Н О П Р С Т У Ф Х Ч Ш Э, Ю, Я, Һ
Альмира Хәбибуллина
Рүзилә Хәбибуллина
Әбри Хәбриев
Динар Хәйруллин
Айдар Хәлиуллин
Энҗе Хөсәенова
Энҗе Хөсәенова

Мин, Хөсәенова Энҗе Ирек кызы, 1996 елның 9 маенда Әтнә районы Бахтаче (Бактачы)
авылында, беренче бала булып, дөньяга килгәнмен. Үз авылымда башлангыч
белем алганнан соң укуымны С.Хәким исемендәге Күлле Киме урта
мәктәбендә дәвам иттем. Хәзерге көндә КФУның татар теле бүлегендә
өченче курста белем алам. Тирәнтен татар телен һәм кытай телен үзләштерәм.
Әтием Ирек озак еллар буе урман хуҗалыгында эшләде, әнием Рәмзия –
башлангыч сыйныфлар укытучысы. Минем уңышларыма сөенеп торучы
яраткан сеңлем Илүзә белән энем Ислам бар.
Укытучы һөнәренә тартылуым, бәлки, нәкъ менә әниемнән күчкәндер.
Шулай ук яраткан татар теле укытучым Хакимуллина Гөлсинә Габделхак
кызының да тәэсире зур булгандыр.
Мин туган телемне бик яратам, мәктәптә укыганда татар теленнән төрле
олимпиадаларга, конференцияләргә, конкурсларга йөрдем, мактаулы
урыннар алдым.
Әмирхан Еники, Галимҗан Ибраһимов, Фатыйх Әмирхан, Зифа Кадырова,
әсәрләрен бик яратып укыйм. Илсөяр Ихсанова, Шәмсия Җиһангирова,
Халисә Ширмән шигырьләре күңелемә якын.

Үзем дә шигырьләр язам. Иң беренче шигырьләремне 3 нче сыйныфта укыганда яздым. Әле дә хәтеремдә
мәктәптә укыганда “Йомшаккай” дип аталган шигыремне “Күчтәнәч”
тапшыруында укыганнар иде!

Мин үлеп авылга гашыйк! Авылымның җиләкле болыннарын, серле
урманнарын, киң басуларын, шифалы чишмә суларын, саф һавасын, эшчән
халкын үлеп яратам.
Җыеп кына әйткәндә, мин — иҗатка гашыйк гади бер авыл баласы!

Сөйми идем

Мин көзләрне бер дә сөйми идем,
Көзләр мине кире кактылар.
Бәхет ишекләрен ачыйм дисәм,
Күз алдымда кире яптылар.
Мин көзләрне һич яратмый идем,
Никтер шомлы булып тоелды.
Көзге яфрак сыман, хисләрем дә
Саргайды да җиргә коелды.
Мин язларга гына гашыйк идем,
Көз күңелсез иде, бер афәт.
Быел менә шушы шомлы көзем
Вәгъдә итә якты киләчәк!

* * *
Шыбыр-шыбыр 
Тышта 
Яңгыр ява... 
Өзгәләнгән 
Җанга 
Юктыр дәва... 

Яннарымда 
Син юк, 
Ерак ара... 
Төшләремдә 
Барам 
Сиңа таба... 

Сөйгән ярым 
Читтә, 
Кыенрак... 
Күзләрем дә 
Ул югында 
Боеграк... 

Аннан башка 
Көннәрем дә 
Болытлы күк.. 
Сагышларым, 
Моңнарым да 
Исәпсез күп... 

Өзгәләнгән 
Җанга 
Юктыр дәва... 
Шыбыр-шыбыр 
Тышта 
Яңгыр ява... 

http://ijat-rt.ru/1913-2/

© Әхмәт Дусайлы студиясе 2007-2013