Бүген Рәиф Әмиров
   
  |   Ташларны җыяр вакыт...  |  



Башка проектлар


Аргамак журналы битләреннән
Зөлфәт cайты
Кадыйр Сибгат сәхифәсе
Гүзәллек дөньясында
Наис Гамбәр сайты
Мизхәт Хәбибуллин сәхифәсе
Айдар Хәлим сәхифәсе
Фәүзия Бәйрәмова. Халык үзе хөкем итәр (Сталинның явыз сәясәте сәбәпле һәлак булган һәм газап күргән милләттәшләремә багышлыйм.)
Барый Ислам
Tатар телендәге гарәп-фарсы алынмалары
Татар сайтлары
Мөҗәһит сәхифәсе
Әхмәт Дусайлының рәсми сәхифәсе
Дусай авылы сайты
Мәдүнәнең рәсми сәхифәсе

Безнең дуслар


Якупова Йолдыз сайты
Белем җәүһәрләре-2010 I Халыкара интернет-проектлар бәйгесе

Фәрит Вафин сайты

Әйтер сүз

Безнең рейтинг

PR-CY.ru

Рәиф Әмиров

A Ә Б В Г Д Е Җ З И К Л М Н О П Р С Т У Ф Х Ч Ш Э, Ю, Я, Һ
Гүзәл Әдһәм
Рәиф Әмиров
Равил Әмирхан
Рәхмәтулла бине Әмирхан
Азат Әхмәдуллин
Нияз Әхмәров
Әхмәдулла Әхмәтгалиев
Марсель Әхмәтҗанов
Шамил Әхмәтшин
Рифгать Әхмәтьянов
Гөлзада Әхтәмова
Роза ӘХТӘМОВА
Рәиф Әмиров
Уфадагы күренекле татар галиме, мөгаллим һәм язучы Рәиф Әмиров бу көннәрдә үзенең 70 яшьлек күркәм юбилеен билгели. Уфада үзе озак еллар эшләгән Башкорт дәүләт педагогия университетында аны рәсми котлау чаралары да үтте.
Рәиф Әмиров - күпкырлы талант иясе. Башкортстанның Балтач районында туып үскән милләттәшебез соңгы кырык елга якын гомерен Башкорт дәүләт педагогия университетына багышлаган. Ә утыз ел буе андагы урыс әдәбияты кафедрасына җитәкчелек итә ул. 27 яшендә үк кандидатлык диссертациясен яклаган яшь белгеч, күп тә үтми, докторлык хезмәтен дә башкарып чыга һәм профессор дәрәҗәсен ала. Шулай ук әллә күпме аспирантлар әзерли танылган галим һәм мөгаллим.
Халыкара югары уку йортлары академиясе академигы, халыкара Кол Гали бүләге иясе Рәиф Әмиров әдәби иҗат белән шөгыльләнергә дә мөмкинлек һәм вакыт таба. Дистәләрчә китап авторы башкаларның җыентыкларын да нәшриятка әзерли, әдәби рецензияләре аша файдалы киңәшләрен бирә. Татар һәм башкорт әдипләренең иҗатларын төпле өйрәнеп язган йөзләрчә мәкаләләре бар аның. Әлеге көндә дә бу эштән туктамый Рәиф Әмиров. 70 яшьлек юбилеен да яңа гыйльми хезмәтләре һәм әзер әдәби-публицистик кулъязмалары белән каршы алган тынгысыз язучы. Киләчәккә уй-ниятләре тагын да зурдан булуын әйтә юбиляр.
Профессор Рәиф Әмиров тынгысыз җәмәгать эшлеклесе дә. Милләтенең язмышы өчен битараф булмаган шәхес озак еллар инде Башкортстан татар милли хәрәкәтенең алгы сафында. Башкортстан Татар конгрессы Башкарма комитеты әгъзасы буларак дәрманлы эшли ул. Башкортстан татар телле язучылар берлеген оештыру юлында да көрәшче рухын күрсәтә атаклы милләттәш. Дистә ел буе кырыктан артык мәхкәмә утырышлары аша шушы берлекне рәсми теркәтүгә иреште Рәиф әфәнде. Татар язучылары берлегенең киләчәктә нәтиҗәле эшчәнлегенә өмет белән карый милләт улы.
Башкорт дәүләт педагогия университетында узган юбилей кичәсендә Рәиф Әмировны котларга күп хезмәттәшләре, талиплары, аспирантлары, танылган язучылар килгән. Алар һәммәсе дә юбилярга иң җылы котлау сүзләрен һәм ихлас рәхмәтләрен әйтте. Түгәрәк туган көн булгач, әлбәттә инде, бүләкләр дә шактый. Казаннан килгән якташыбыз, халык шагыйре Роберт Миңнуллин да Татарстанның төрле оешмалары, шул исәптән, Бөтендөнья Татар конгрессы исеменнән Рәхмәт хатын һәм бүләкләр тапшырды.
Чыгыш ясаучылар профессорның һәртөрле талантлары хакында сөйләү белән бергә, аның кешелекле һәм аралашуда гади булуын да ассызыклады.

Татар-информ.

© Әхмәт Дусайлы студиясе 2007-2013